Wiukomme by Friedli 3D Druck

Du hesch ä spezielle Wunsch, bruchsch äs Ersatzteil, ä Prototyp oder technischi Date zur Härstellig vo Teili?

Gärn hiufi dir mit mim Wüsse u Chönne zu dym Produkt.

Dienstleischtige

Individuelle 3D-Druck

Individuelle 3D-Druck für einzigartigi Teili! Hochwertigi Produkt nach dyne Vorstellige

Prototyping

Schnäus u chostegünstigs Härsteue vo Prototype vor dr Seriefertigung

Reengineering von Teilen

Reengineering vo Teili füre  Erhaut vo Maschinen, Möbu, Spiuzüg u Fahrzüg! 

Graviere vo Teili

Dis Teili brucht dr Nötig finisch? gär graviereni di Wunsch uf dys Teili.

Hüfigi Frage

Was bruchsch für Materiau zum Drucke?

Mir verwände zum Drucke PLA, ABS, ASA und PETG.

Wie lang bruchsch zum Härsteue vomene Prototyp?

Das chunnt ufd Komplexität ah. Je nach dem zwüsche 5 und 10 Arbeitstäg.

Chasch du ou spiuzüg flcike?

JA! D'Rekonstruktion vo Teili isch miny Lydeschaft. Nid nume für Spiusache, sondern ou für Möbu, Fahrzüg und Maschine.

Chunnsch du ou verbi?

Ja. We dys Objekt, Projekt nid chasch mitnäh oder das ganze ds umständlech isch, de chumeni mitem nötige Mässwärchzüg verbi

Chani dir ou ä Vorlage-Datei schicke?

Gärn darfsch du mir ä Digitali Datei, STL, OBJ, STEP Datei schicke, dassi dini Idee cha usdrucke.

Märcu, das isch ä gueti Sach. Weme dir öppis git de isch schnäu u unkompliziert ä Lösig da.

Peschä

Frage? Kontaktier mi

Du hesch ä Idee oder äs Teili wos so no nid oder nüme  git?  Hesch Frage zum 3D-Druck und zur Additive Fertigung? Bisch intressiert säuber öppis ds modelliere? Schryb mir übers Kontaktformular

Über mi:

Näb mim Bruef aus CAD-Zeichner und Planer für PV-Alage, liebenis öppis z erschaffe. Dürd Technologie vom 3D-Drucke chani Teili fertige wo mechanisch schüsch nid härsteubar sy.

Während em Studium zum dipl. Techniker HF Maschinenbau hani äs guets Grundwüsse über Konstruktion, Materiau und Fertigung dörfe erarbeite.

Sider denn wachse dErfarige mit de verschidnigste Materialie u so hani hüt äs Wüsse, weles Materiau für wele Zwäck geignet isch.

 

Näbscht Familie und tuusig Ideene, steueni Tubakpfyfe här:

tubackpfyfe.ch

 

I bi Märcu (Marco Friedli) u i fröie mi di u dyner Projekt lehre zkenne.